Thursday, July 03, 2008

Нохой хамартаа хүрэхэд "усч" гэж.

Гэрээсээ хол хүний нутагт удаан хугацаагаар суухад гэрийн хоол, монгол хоолоо үгүйлэх үе гардаг. Гэртээ тэр бүр хоол хийгээд байдаггүй хүн чинь ийм үед л "усч нохойн" үлгэрээр хоол хийх хэрэг гарах юм даа. Хүний газар түр амьдрах хүнд тогоо шанага тэр бүр цуглуулаад байх хэцүү учир гарын дор байдгаар нь нэг будаа агшаагчтай болсон минь хэд хэдэн төрлийн хоол хийхэд хэрэг болдог болов. Зөвхөн будаа агшаах биш "лапша", тэр ч байтугай "цуйван" хийдэг болсон юм. Ингээд хэрхэн цуйван хийсэн аргаа толилуулав. Туршаад үзэхэд гэмгүй шүү хэхэ.

Хоолны маань орцонд сонгино, мөөг, лууван, төмс орно. Хоёр хүн идэхээр хоол хйихэд багавтар будаа агшаагч их тохиромжтой шүү. Луувангийн дэргэд байгаа "терк"-аар луувангаа үрж хийхэд залхуу надад их нэмэртэй байдаг юм хэхэ.

Ингээд дээрх ногоонуудаа хэрчиж будаа агшаагчдаа хийгээд ургамалын тос хийгээд таглана. Харин цуу бол миний байнга хэрэглэдэг амтлагч байгаа юм.

Ингээд дараагийн хоёр орц бол хэсэгхэн байцаа, бэлэн гурил. Солонгосд ийм бэлэн гурил дэлгүүр бүрт байдаг юм. Яг бидний иддэг хэрчсэн гурил. Энэ гурилгүй бол өөрөө зуурч элдээд хэрчинэ гэдэг ямар нүсэр ажил билээ дээ? Ногоогоо 2-3 мин болгоод сайн хутгаж хуурна.

За ингээд хоолны маань хамгийн гол зүйл бол мах шүү дээ. Монголчууд бид махгүй бол хэр удаан амьдрах болоо. Ингээд махаа хийж хутгаад дахин 2-3 мин жигнэнэ. Энэ хооронд бэлэн гурилаа жижиглээд тос хийж багсарна. Гурилаа тослохгүй бол хоорондоо наалдах учир энэ хоолны маань гол хэсэг шүү.
Махны шүүс гараад ирэхэд нь бага зэрэг цуу хийвэл их зүгээр. Аан бас давсаа өөрөө тааруулж хийгээрэй. Би нэг цайны халбага дундуур давс хийдэг. Ингээд дээр нь буцламгай ус (би ус буцалгагчаар буцалгаж бэлддэг юм) нэмж мах ногоогоо арай далд орохооргүйгээр нэмнэ. Хэт их хийвэл цуйван маань нялцгай болно, багадвал гурил түүхий болно шүү. Ингээд дээр нь хэрчсэн байцаагаа хийнэ.

Дээр нь гурилаа хийгээд будаа агшаагчаа таглаж, уур гардаг нүхийг нь алчуураар таглаж өгвөл гурил нь түүхийрэхгүй байх гэж бодсон. Ингээд хоолоо бэлэн болохыг л хүлээх үлдэнэ. Энд хамгийн таатай нь түлэгдэх болов уу, хэзээ хоол болох бол гэж санаа зовох хэрэггүй. Будаа агшаад бэлэн болдог шиг будаа агшаагч маань "под" гээд дуугарна. Хоолоо шууд гаргалгүйгээр 2 мин орчим хүлээгээд нээгээрэй. Хоолоо хутгаад үзэхэд ёроолдоо түлэгдсэн зүйлгүй их сайхан болсон байдаг юм. За таалагдсан бол туршаад үзээрэй. Таалагдахгүй бол миний буруу биш шүү хэхэхэ.

Labels:

6 Comments:

At 11:29 PM , Blogger peakfinder said...

Hooh budaa agshaagchind hool hiij boldog yum baina. Saihan haragdaj baina shuu.

 
At 5:49 PM , Blogger arsun said...

/шүлсээ залгив/

 
At 9:57 PM , Blogger Otgoo said...

peakfinder-т: харин болоод байна. Илүү дутуу тогоо могоо гэхгүй амар байнаа. хэхэ

Арсланд: Гүдхийх сонсдов харин хэхэ

 
At 9:23 AM , Blogger ZAYA said...

Нээрээ түлэгдэнэ гэж зовохгүй амар байх аа, туршиж үзнээ.

 
At 1:53 PM , Anonymous Anonymous said...

Otgoo,mundag togooch bolj baigaa geed baisan unen bainaa. Ene zun uulzaj chadsangui, xaramsaltai.

 
At 7:04 PM , Blogger otgon said...

otgoo ah ch hool bas sain hiideg bsan yum bn shdee~~

 

Post a Comment

Subscribe to Post Comments [Atom]

<< Home